التسميات

الأربعاء، 8 أغسطس 2012

لعبة فرسان الإلحاد

لعبة فرسان الإلحاد ...! 
ومعها قائمة حقيقية بالصور لبعض المتملحدين العرب !
جمع أخبار - وقصة قصيرة بقلم أبو حب الله ....


>> سامعني كده يا جون ؟؟؟..
-- أيوه يا ديفيد .. كده كويس ...
>> يعني نبدأ الجلسة ..؟
-- ماشي ...
>> الصوت كويس معاكي يا سونيا ؟؟..
** اتفضل اتكلم يا ديفيد .. سمعاك ..
>> ماشي .. أوكيه ..
دلوقتي عندنا قضيتين عايزين نناقشهم بسرعة ...
انتو عارفين طبعا إن التمويل اللي بيجيلنا : هو مرتبط بصورة أساسية بإنجازات المشاريع اللي معانا والتارجتس اللي بنحققها في آخر كل شهر .. صح ؟؟
-- صح يا بوص ... كمل ...
>> بالنسبة للمشروع الأول بتاع منتدى (فرسان الإلحاد) الجديد .. مشروعك يا جون .. ليه الدنيا مدربكة عندك كده ومش منظمة زي ما كنا متوقعين ؟؟؟.. إحنا مش قولنا عايزين منتدى منظم يوحي للمسلمين إنه منتدى بيخاطب العقل والمنطق وقمة في النظام والتنظيم ؟؟؟.. 
-- طب إيه المشكلة يا بوص !!.. فيه إيه غلط عشان آخد بالي منه ؟؟؟..
>> فيه كتير يا جون !!!.. أنا دخلت امبارح بالليل كده بالصدفة بتوقيتي هنا في أمريكا : في موضوع الواد المسلم ده عن أضرار الشذوذ الجنسي .. لاقيته بيدي كلمه من هنا : ويرد عليه كام واد ملحد كده من غير نظام !!!.. وده في وادي .. والتاني في وادي .. وبعدين ألاقي المشرف ده رقم .. رقم 4 دخل في الخط .. وبعديه بشويه المراقب 6 !!.. وما بقيتش عارف مين بيرد على مين : ولا مين اللي بيكلم مين !!!.. تفتكر حوار بالمنظر ده يا جون يبقى حوار منظم ويحقق الأهداف المفترضة للمنتدى عشان يجذب المسلمين والشباب ؟؟!!..
-- ويت .. ويت يا بوص ..! انت لو كنت صبرت كمان ساعة بس : كنت عرفت أنا عملت كده ليه !!!.. لأني قمت في الآخر بالتدخل بصفتي المشرف العام : وقمت بحذف مشاركات وتعديل مشاركات وفي الآخر كتبت إن الموضوع لازم يبقى منظم إلخ إلخ إلخ من الكلام بتاعك ده !!.. وفي النهاية قفلت الموضوع كمان عشان يبقى عبرة لمَن يعتبر !!!..
** المشرف العام !!!.. مش انت كنت قولتلي يا جون إنك إنت نفسك المشرف 6 و5 ؟؟؟.. دلوقتي بقيت المشرف العام كمان ؟!!!.. 
-- طبعا يا بنتي .. هههههه .. طب أقولكم على سر .... أنا كمان المشرف 4 !!!..
** مش معقولة !!!.. انت لازم بتهظر !!!..
-- طب خدي دي كمان .. أنا نفسه برضه المراقب 6 اللي اتدخل !!!..
>> يخرب بيتك يا بعيد !!!.. إنت كل دول .. ههههههه .. والله ضحكتني !!!..
-- لا لا لا ... إنت عايز تضحك بجد ...
>> ** هيـــــه ؟؟..!
-- أنا كمان (حسن) المسلم صاحب الموضوع .. وأنا نفسي (غراب البين) العضو الملحد اللي كان بيرد عليه !!!..
>> آه يا بن الجنيّه !!!.. دانتا مصيبة يا ابني والله !!!..
-- أي خدمة يا عم ... أمال يعني منتدى إلحادي مبتديء هايقف على رجليه إزاي ويتملي مواضيع وردود ؟!!!.. الحاجات دي هيا اللي بتجذب يا عم ديفيد شوية العيال المسلمين دول ... هيا دي صناعة البروباجاندا يااابا !!!.. هيا دي صناعة النجوم .. إنت مش يهودي وعارف الحاجات دي ولا إيه ؟!!!..
>> عارف عارف ...! بس ما كنتش أتوقع إنك توصل بيك الجرأة إنك تلعب كل أدوار المنتدى في وقت واحد بالصورة دي !!!.. ياض دانا نفسي معرفتكش !!!.. يخرب عقلك !!!.. يعني شويه تقلب مصري زي ما كنت عايش أنا وياك في مصر .. وشويه شامي .. وشويه مشرف على شويه مراقب ..!! مش ممكن فعلا .. إنت خدعتني انا نفسي ...!
-- أي خدمة ...
>> طيب طيب ... يبقى كده أول مشكلة وعرفناها .. وعرفنا أبعادها وإنها ماشية تبع خطة الإبليس جون ... وإن ما فيش خوف من اللخبطة اللي بنشوفها طالما بعدها في حزم من الإدارة عشان يظهر المنتدى بصورة كويسة ... ماشي ..
المشكلة التانية بقى يا حلوين : هيا في المنتدى الأساسي بتاعنا .. (دارة الإلحاد) ...
في شكاوي من الناس اللي فوق بتقول إن نسبة الأعضاء الملحدين واللادينيين واللا أدريين اللي بيسبوه ويروحوا منتدى التوحيد وغيره : بتزيد ...! وطبعا ًعدد من اللي بيروحوا هناك بيأسلم تاني ويهد كل اللي احنا بنيناه ...!
-- قصدك كل اللي احنا خربناه .. هههههههه !!..
>> الموضوع جد يا جون ... مش عايز أقولك إن المشكلة دي : هيا المحك الرئيسي اللي ممكن الدعم المادي بتاعنا يتوقف بسببها فعلا ً..!! أنا اتلقيت إمبارح مكالمة هنا من نيويورك فيها شبه تهديد بوقف التمويل أو تقليل سعر (استكتاب المواضيع) إن لم يتم معالجة المشكلة دي قبل الشهر ده ما يخلص !!!.. يعني في ظرف 25 يوم تقريبا ًمن دلوقتي !!!.. إيه رأيكم ؟؟؟
** أنا عن نفسي وعشان أنا أقدم واحدة في المنتدى : ياما طالبت يبقى فيه غرفة صوتية ... الحاجات دي بتجذب الشباب الساذج جدا .. سواء مننا أو من المسلمين .. بس للآن ما فيش استجابة .. ونفس الحجج هيا هيا ...
>> وللأسف يا سونيا .. الحجج وجيهة فعلا ً!!!!..
فرغم إنك هاتكسبي بعض المكاسب بالغرفة الصوتية دي .. بس ما تنسيش الأضرار التانية برضه !!.. يعني شوية المسلمين إياهم دول لما يخشوا ويسجلوا حوارات العيال الهبل اللي عندنا : وبعدين ينشروها على اليوتيوب وف مواقعهم ومنتدياتهم : دي تأثيرها برضه بينتشر بسرعة بل : وبيرجع يأثر على نفس الأعضاء اللي عندنا من تاني : فيقوموا يسيبوا المنتدى من كتر الهبل اللي فيه : ويروحوا المنتديات الإسلامية التانية !!!.. يعني رجعنا لنفس نقطة البداية للأسف وكأننا في حلقة مفرغة !!!..
عايزين أفكار تانيه ... هيــه ؟؟ فكروا معايا ...
** طب حتى نعمل قسم المناظرات ؟؟.. 
>> برضه هانتفضح .. إنتو نسيتوا السنة اللي فاتت لما بقت فضيحتنا بجلاجل في المنتدى الأول ؟!!!.. 
اللهم إلا لو حبيبنا جون يخش المناظرة مثلا ًممثلا ًعن الطرفين !!!.. هههههههههههههه !!.. والله فكرة .. إيه رأيكم فيها بجد ؟؟..
-- أنا عن نفسي ما فيش مشكلة .. ليكو عليا أعمل أحلى مناظرة في عالم الإلحاد ما حدش شافها ولا سمع بيها قبل كده !!.. وليكو عليا أبهدل نفسي - اللي هو المسلم يعني - وأطلعوا ما بيفهمش أي حاجه في أي حاجه : وإنه قدام أسئلتي الإلحادية الساطعة : ما يملكش أي رد إلا الهرتلة !!!.. هيــه ؟؟.. نعمل كده ؟؟..
>> بس فيه مشكلة يا جون ...
ده برضه مش دافع قوي لربط الأعضاء الملاحدة وخصوصا الجدد بالمنتدى ... أنا عارف الامخاخ دي .. مش هاتتكيف برضه من متابعة المناظرات طالما هيا مالهاش نشاط في المنتدى !!!..
** طب ما احنا هانجيب مسلمين منين يعني ؟؟.. نشتريهم ؟؟؟...
إذا كان شوية العيال الملحدين نفسهم بيسيبوا المنتدى بنسبة بتزيد مع الوقت من تفاهة موضوعاته وردوده : فما بالكم بالمسلمين ؟؟؟.. 
-- أنا جاتلي فكرة عبقرية يا جماعة ...
>> ** هيـــــه ؟؟؟
-- إنتي تعلني يا سونيا عن برنامج تم عمله والانتهاء منه للملاحدة الجدد : يخليهم يتدربوا على حوار المسلمين !!.. يعني البرنامج متبرمج على إجابات المسلمين على حسب تحليل كلمات أسئلة وتعليقات الملحدين !!!.. وبكده الفكرة دي تجذب كل الأعضاء إنهم يخلوهم معانا إيه رأيكم ؟؟؟.. 
>> إنت يا ابني شيطان في هيئة بشر ؟؟!!.. أنا ساعات بحس إن إنت اللي يهودي وأنا اللي مسيحي ومش العكس !!!.. الفكرة جبااااااااارة وجديدة في عالم الختم على القفا !!!.. تخيل معايا فعلا ً: : (( برنامج محاكاة ردود المسلمين )) !!!!.. دا الاسم لوحده هايجيب لنا زباين وأعضاء من كافة المنتديات الإلحادية التانية !!!.. دا انا متوقع تزيد أرباح المنتدى كمان من تضاعف نسبة الزوار اللي هاييجوا يشوفوا أو يشاركو في محاورة البرنامج ده !!!..
** بس مين اللي هايبرمج البرنامج المعقد ده ؟؟!!.. ثم ده هاياخد وقت طويل عمال أما يخلص : هاتكون المهلة انتهت : والشهر انتهى !!..
>> هما كده اللي كان أصلهم مسلم يا سونيا !!!.. إنتي لسه ما فهمتيش برضه قصد جون إيه ؟؟؟..!
** لا !!!..
-- أعذرها يا ديفيد ... المسلمين دايما محرومين من الأفكار الإبداعية في الغش اللي من النوع ده .. الحاجات دي عمرهم ما هايفهموها .. لا يا ماما .. اتعلمي منا دايما طول ما انتي معانا .. إحنا عندنا في ديننا نكدب : طالما لصالح عقيدتي ولنصرة ديني ومَسيحي اللي باعتز بيه !!.. إنتي ما سمعتيش عن المثل اللي بيقول : اللي تغلب به : العب به ؟؟!!..
** أيوه أيوه .. طيب ماشي .. بس برضه عايزه حد يفهمني : إيه اللي هايحصل بالظبط ؟؟؟..
-- هاقولك يا بنتي وأمرنا لله ...
أنا هاكون البرنامج ده ...!
خلاص .. ارتحتي ؟؟؟..
** مش ممكن انت انهارده يا جون !!!!... وهاتقدر تحاور كل الأعضاء في وقت واحد ؟؟؟...
-- أنا هاقول في إعلان نسخة البرنامج : إن البرنامج بياخد فترة دقايق للرد على كل سؤال : لأنه بيعمل فيها حساباته الدقيقة وتحليلاته واختيار الإجابات الإسلامية الأقرب لكل سؤال !!..
>> أه يا ابن العفريته !!!.. آل حسابات وتحليلات آل !!!!...
دانا هاتنيني أضحك لحد الصبح كل أما اتخيل البهايم دول وانت عمال تحاورهم وتناطح فيهم يمين وشمال !!!.. والله لعبة حلوة ومش بطالة !!!.. دا أكيد الدعم المادي بتاعنا هايتضاعف كمان !!!...
** طيب ممكن نبدأ من إمتى على كده ؟؟...
>> ممكن تبدأي تحطي بانر الإعلان من بكره .. وإنه هايتم تسطيب البرنامج على المنتدى بالليل ...
-- أهو ده الكلام .. شوفتوا بقه اجتمعاتنا المغلقة دي بتبقى مفيدة جدا ازاي ؟!!.. وخصوصا لما بنفكر مع بعض ؟؟..
** أنا أهم حاجه عندي إني أنشر إلحادي بين الشباب المسلم اللي من عمري .. أنا عايزه أنورهم ويسيبوهم من خرافات جهل الدين الإسلامي ده .. حتى ولو هايتنصروا ويبقوا نصارى زيك يا جون : أو حتى يبقوا يهود زيك يا ديفيد !!!.. أنا مش فارقه معايا كتير .. أنا نفسي ممكن أقبل أكون نصرانية أو يهودية متفتحة : بس استحالة أرجع للإسلام تاني !!!.. 
>> طيب .. كده ممكن أقول انتهى الاجتماع وأنا مستبشر خير الشهر ده ...
ممكن تنفصلي إنتي عننا يا سونيا الأول ؟؟؟.. لأني عايز أكلم جون في كلمتين إذا سمحتي ..
** تمام يا أفندم ... هاسيبكوا بقى مع بعض .. أنا أصلا مش بافهمكوا لما بتتكلموا بالإنجليزي وأنا موجوده .. يا للا باي ...
-- بايك معاكي ...

************ 

>> جون ... إيه رأيك في البنت المتخلفة دي ؟؟.. هل نسيبها في مكانها ولا نبدلها ؟؟؟..
-- والله سونيا خبرة فعلا يا ديفيد في المنتدى ده لفترة كبيرة ... وصعب تلاقي حد زيها وبنفس إخلاصه لينا ..
>> لا .. في بديل كويس تاني في دماغي .. وانت عارفه كمان .. واخد بالك من الواد (ثورة الرافدين) ده .. عارفه ؟؟؟.. أهو ده اللي برشحه يمسك بدالها .. الواد عارف إنجليزي ومطلع أكتر منها .. وكل ده مهم جدا في المرحله اللي جايه دي .. هيــه ؟؟ شايف إيه ؟؟؟...
-- خلاص الرأي رأيك .. بس لازم تتخلص منها بطريقة غير مباشرة : وما تحسسهاش إن ده تبديل لعدم كفائتها عشان ما تغضبش .. ما تنساش إنها تعرف عنا حاجات كتير وممكن تفضحنا لو زعلت يوم معانا !!!.. تخيل الوضع كده لو انكشفت شبكتنا دي : وعرف الملاحدة والناس التانيين دول إن اللي ورا مجموعة منتديات (فرسان الإلحاد) : يهودي ونصراني !!!..
>> لا اطمن .. اطمن .. وما تخليش عقلك يروح لبعيد ... أنا هانقلها مكانك في المنتدى الجديد عمال أما انت تنجز مهمتك وترجع !!!.. وأكيد هيا هاتتشغل بلعب دور كل الاصطف هناك زيك : ولحد ما انشوف دورك انت هايخلص إمتى ؟؟؟..
-- أه .. إذا كان كده ماشي .. وفيه أمل ...
طيب يا بوص .. فيه حاجه عايز تقولهالي تانيه قبل أما أمشي ؟؟؟؟
>> لا خلاص يا جون ... إنت قضيت غرضك وزيادة ...
يا للا باي ...

************ 

## تز تز تز ؟؟؟
>> أيوه يا شمعون .. سمعت كل اللي دار ؟؟؟.. إيه رأيك في الأفكار الجديدة دي ؟؟؟
## مش بطال ... والواد جون ده ييجي منه .. بس خلي بالك عشان ليه أخطاء مدمرة رغم إنها قليلة ..
>> ما تخافش يا شمعون .. أنا معاه خطوة بخطوة ... ثم انت هاتتوقع إيه من واحد بيقولك الله 3 في 1 و 1 في 3 ؟؟!!!.. أكيد مخه ومهما كان ذكي ومبدع : إلا إن فيه ضلمة وقصور تفكير !!!..
## وإيه رأيك في البنت ؟؟...
>> دي أتفه من إن يتبصلها .. واحده بتنكر وجود ربنا : يبقى أكيد مخها ناقص أصلا ومريض !!!..
خليها في المكان اللي هانقلها فيه وخلاص .. وما تخافش .. سيبها تشق طريقها الإلحادي بنفسها !!!..
يااااااااااااااه .. دي الساعة داخلة على 12 .. ورايا مقابلة مهمة جدا ... هاتعوز حاجه ؟؟؟..
## لا لا .. ممكن تفصل إنت يا ديفيد دلوقتي لو عايز .....
>> طب يا للا باي ....

************ 

&& ههههههه .. مش ممكن ..! شوفته وهو بيقولك يا شمعون !!!.. الغبي ده مصدقك !!!..
## إنت مستني إيه من واحد متخيل إن إلهه ما خالقش الكون ده إلا عشانه وعشان اليهود بس ؟!!!..
أو ما خلقش البشر إلا عشان يخدموهم وينداسوا تحت رجليهم زي الحيوانات وبس !!!.. 
&& ده إنسان متخلف يا رافي .. متخلف ... 
إلا صحيح ... القداس اللي هانحضره مع(النورانيين) الليلادي الساعه كام بالظبط لأني ممكن أتأخر ؟؟..
## القداس الساعة 3 بعد نص الليل .. وإبليس من المفروض هايحضر قبل الفجر علطول ... 
&& شكرا على التوضيح .. لعل إبليس يرضى عني وعنك !!!..

************ 

وفي نهاية الشهر : أسلم 6 من أعضاء المنتدى الإلحادي اللي تضاعفت زياراته بالفعل :
وده لأن إجابات جون الإسلامية ورغم ما كان فيها من تعمد البلاهة : 
إلا أنها أثرت ببساطتها على أعضاء المنتدى : وخصوصا ًأنها كانت بتبقى من غير حذف !!..
فامتازت - في عدم الحذف - على إجابات المسلمين نفسهم لما كانوا بيدخلوا المنتدى :
لأن معظم إجاباتهم المفحمة كان بيتم حذفها علطول !!!...
فبقاء إجابات جون وقصرها واختصارها : ساعدوا الكثير من الملاحدة وتاركي الإسلام للتأمل فيها ! 

وأن الله موهن كيد الكافرين " !!.. الأنفال 18 ....

-----------------------
---------------------------------

وإلى كل قاريء : 
إليكم ملحقات القصة من أحداث واقعية :
للتدليل على صحة ما جاء فيها من حقائق ومعاني عن خلايا الإلحاد في النت ..
حيث يتضح لنا مع كل يوم أن القائمين خلف مواقع ومنتديات ومدونات ومجموعات الإلحاد واللادينية والليبرالية :
ما هم إلا مجموعة من شياطين الإنس من (النصارى) و(الشيعة الروافض والنصيريين) و(اليهود) و(عبدة الشيطان) ..!
والذين بعد ماراثون طويل لسنوات بواسطة أتباعهم في بلادنا لتجهيل الشباب المسلم بدينه :
حان وقت قطف ثمار فساد التعليم والإعلام : بإشاعة أتفه الشبهات أمامهم في تلك المنتديات !
فإليكم بعض الدلائل :
-----------------------

1...
نبدأ بهذا الخبر من مارس 2010م :

ففيه أيضا ًالكثير من العبر والدروس من خلف الكلمات لمَن يعقل ..
مثل ترصد الملحدين للإسلام دونا ًعن سواه (لقوته) ولأنه (الحق الوحيد) ...
ومثل ترصد المسلمين فقط بتقييد حريتهم في الدفاع عن دينهم : 
بعكس النصارى والملحدين والليبراليين والعلمانيين - وعكس ما يدعي كل هؤلاء - ..
وكل ذلك قد شاهدناه مرارا ًوتكرارا ًفي عشرات ومئات المواقف قديما ًوحديثا ً..
وشاهدناه في مصر مؤخرا ًفي إعلامها القذر وأكاذيبه وتضليلاته وسبه وقذفه للإسلاميين !
ولكنه النسيان لمَن لا يحمل هم الدين : أو حتى همّ نفسه ونجاته في الآخرة :
فيسير خلف ركب الكفر مع العميان !!.. 
ولعل كشف الهاكرز لحقائق بعض منتديات الإلحاد ومَن ورائها كان كافيا ً...!
وإليكم الخبر ولم أر ضرورة لعرض الصور ...
--------- 

إنفراد بالصور .. 
المرصد يكشف أصحاب جروب "الله" المسيئة للذات الإلهية ...

حصل المرصد الإسلامي لمقاومة التنصير على معلومات موثقة عن منشئ جروب 
لفظ الجلالة الذي أثار مشاعر المسلمين على الفيس بوك مؤخرا
والذي ادعى صاحبه أنه هو "الله " وانه قرر انشاء الجروب للتواصل مع الشباب 
وتهكم صاحب الجروب على الإسلام تحديدا دون غيره من الديانات.



صاحب الجروب المسيئة طالب فاشل بكلية الطب جامعة القاهرة اسمه احمد زيدان 
وتشاركه عشيقته أميرة طاهر وهي خريجة كلية فنون جميلة جامعة حلوان. 
وقد سبق لها أنشاء جروب بعنوان علاقة طبيعية مع إسرائيل
والأثنان من نشطاء شبكة الإلحاد المنتشرة بمصر والتي يديرها :


((((((((( إزيس سيد القمني و هاني ميشيل و ماجد فرج )))))))))

وقد أحدث الجروب موجة شديدة من الاستياء بين المسلمين الذين طالبوا إدارة الفيس
بوك بغلقه
.
لكنها رفضت الاستجابة بالرغم من حذفها المتكرر لكل الجروبات الإسلامية التي تهاجم
الكنيسة أو تنتقد سياستها
.!!
ويشرف على الفيس بوك العربي شركة تابعة للمليادرير الطائفي : 


((( نجيب ساويرس )))

ولها الحق في حذف ما تشاء من المواقع !!..
--------------------------

2....
وإليكم هذا الخبر الذي يصب في ذات الموضوع أيضا ً:
رغم أنه قديم نوع ما .. 
وهو يتعلق بقناة الخنزير ساويرس (أون تي في) ..
والتي لما عزم على إنشائها : كان يعلن - وبكل بجاحة ومساندة من الحكومة الفاسدة - أنها هي وقناة أخرى :
سيتم إطلاقهما منه خصيصا ً: لوقف موجة الحجاب والإلتزام التي تنتشر بين الشباب والشابات في مصر :
نتيجة القنوات الإسلامية وظهور تأثيرها عليهم !! - ونـِعم التدين النصراني الذي يحارب العفة والستر !-
وكان يعلن أن قناته ستهتم بعرض الأفلام : من غير مقص الرقابة - إلى آخر هذه القذارات - ..

لن أطيل عليكم ...
وإليكم هذا الخبر من جريدة المصريين : أنقله لكم كما هو ...
وليعلم شباب الإلحاد المراهق الغر الساذج :
أنما هم ترس صغير في ماكينة تم تجميعها خصيصا :
لاستغفال أمثالهم وإشراب قلوبهم بكره الإسلام بعد تشويهه بالشبهات والكذبات والافتراء !!!..
وهم الآن هذه الثمرة التي لا أصل لها ولا جذر !!!..
والله المستعان ..
--------------
---------------------

المصريون تكشف عن شبكة واسعة متمولة دوليا لتشويه الإسلام.. نشطاء التنظيم الإلحادي المصري خططوا لحرق الحجاب في مظاهرة أمام قناة الحرة 

كتب : أحمد البحيري (المصريون) | 11-12-2009 23:41 

كشفت وثائق ومراسلات خاصة بمجموعات إلحادية ناشطة على شبكة الانترنت ومن خلال بعض المحامين الحقوقيين في مصر وعناصر معادية للإسلام في أمريكا وهولندا وبريطانيا عن "عصابات" حقيقية تتواصل فيما بينها مع جهات أجنبية لدعم حركة نقد الإسلام وتخريبه من الداخل ، حسب وصف بعض أعضاء الشبكة ، كما تكشف الوثائق التي حصلت عليهاالمصريون عن دفع أموال منتظمة من منافذ متعددة في أمريكا وبريطانيا بشكل أساسي لأعضاء في هذه الشبكة ينشطون في عملية تجريح الإسلام وهجاء الحجاب والالتزام الديني بصورة مسفة للغاية ، كذلك تكشف الوثائق عن روابط تصل بين نشطاء معادين للإسلام وبعض قيادات القنوات الفضائية التابعة للملياردير المصري نجيب ساويرس ، وخاصة قناة "أون تي في" ، حيث تحدثت ناشطة معادية للإسلام في هولندا تدعى "علياء .ج" عن صلة وثيقة تربطها مع مسؤولي قناة ساويرس وأنهم طلبوا منها أن ترشح لهم نشطاء ليقدموا برامج فيها أو يعدون برامج الهدف منها ، حسب المراسلات الموثقة ، هو محاصرة النفوذ العربي والإسلامي في مصر والتأكيد على فرعونية الهوية المصرية ، وتضم الشبكة عددا غير قليل من مثل الناشطة الملحدة في الولايات المتحدة (وفاء .سومحامي مصري حقوقي يدعى (سمير .ب) ، وأسماء عديدة منهم : ماجد .ف (يسمي نفسه على الفيس بوك : حسن الهلالي) ـ كارول ماريزيان ( تسمي نفسها : مريان ناجى) ـ مجدي .ع.ر ـ حفصة .ن.ز ـ سونيا .ب ـ محمد .ث ـ محمد .ب ـ آية .أ (تسمي نفسها فانتازيا) ـ ، كما تضم الشبكة شخصيات تكتب مقالات منتظمة في إحدى الصحف المتمولة من نجيب ساويرس . 

المعلومات الموثقة التي حصلت عليها المصريون كشفت عن أن تلك العصابات طرحت فيما بينها العام الماضي القيام بعملية "استعراضية" أمام الإعلام العالمي تمثل خلالها بعضالناشطات الملحدات بأنهن يرتدين الحجاب ثم يقمن بخلعه أمام الكاميرات ثم القيام بحرقه أمام الشاشات ، احتجاجا على ما اعتبروه "أسلمة" المجتمع المصري والغزو الوهابي لمصر ، وكان من المقرر القيام بهذه العملية في ميدان التحرير ، وتم الاتفاق على أن يدعى إليها قناة الحرة الأمريكية وقناة خليجية كبيرة معروفة ، وقناة البي بي سي ، غير أن تحذيرات بعض أعضاء الشبكة من خطورة ردود الفعل على هذه العملية الاستعراضية دفعتهم إلى التفكير في إنجازها في مركب نيلي ويتم تصويره من قبل القنوات التليفزيونية المذكورة ، إلا أنه تم الاتفاق على تأجيل إنجاز العملية لحين ميلاد ظروف مواتية . 

وحصلت المصريون على مكاتبات مطولة ، بين نشطاء أقباط في الولايات المتحدة وبين نشطاء يدعون الإلحاد في مصر وبلاد عربية أخرى ، يتم الترتيب فيها لعملية تحويل أموال لأعضاء تلك المجموعات وكذلك بعض المحامين العاملين في مراكز حقوقية مشبوهة ، أيضا تكشف هذه المراسلات عن "بيزنس" اللجوء السياسي الذي يتم تفعيله لأعضاء المجموعة خاصة تجاه كل من كندا والولايات المتحدة الأمريكية . 
----------

ملحق 
نموذج لخطاب بين بعض أعضاء الشبكة يكشف عن العلاقة الوثيقة مع قناة ساويرس ، ننشر الخطاب بأخطائه ولغته الدارجة

من (ماجد .ف) .. 
بص يا كبير.. عندي موضوع عايز اكلمك فيه بعيد عن القرف الي احنا فيه دا كله 

هافترض انك عارف القناه التلفزيونية الي لسه فاتحه جديد الي هي 
ON TV 
اللي بتهاجم العرعر والعرعره (يقصد هذا الموتور العرب والعروبة). كان في واحد معلق عندك في البلوج و جايب سيرتها.. المهم الدكتوره (علياء .ج) بتاعة هولندا تعرف الشخص الي ماسك المحطه دي و عرضت عليا اني أشتغل فيها لأنهم بيدوروا على ناس Liberal thinkers زي حالاتنا كده.. و علياء نفسها هاتيجي من هولندا عن قريب عشان عايزه تقدم برنامج في القناه دي لحد كده كويس؟؟ ماشي
من ربع ساعه اتصلت بيا بالتليفون للمره التانية و سألتني إذا كنت أعرفك 
معرفه شخصية.. قالتلي انها كانت تعرف عنك انك راجل باحث و متخصص في
التاريخ المصري
 و انك كنت بتدي محاضرات في انجلترا عن التاريخ المصري.. وان انت كنت قرفان من الحيوانات البهايم المتعرعرين الي بيطلعوا في
التلفزيون يطرشوا أي كلام فاضي عن مصر و تاريخها و مالوش أي لازمه غير
انه بيساهم في زياده عرعرة مصر
 
علياء يا سيدي عايزه تعرف إذا كان عندك استعداد إنك يتم استضافتك بصفتك 
باحث و متخصص في التاريخ المصري، عشان تتكلم في القناه دي عن مصر و
تاريخها
.. يعني.. زي ما تقول كده محاولة لإنقاذ ما يمكن إنقاذه من براثن
العرعر و عملاءهم المتعرعرين
 
إذا الموضوع أوكيه معاك، دي نمرة تليفون علياء في هولندا 

00316??????89 
ممكن تكلمها أي وقت أو تبعتلها ماسج بالنمره الي ممكن تكلمك عليها.. و 
شوف ايه اللي ممكن يحصل 
تحياتي .. 
----------

خطاب من (أمنية .ط) ، أحد قيادات الشبكة إلى شريك يمني يدعى (محمد .ك) : 

معك تماما فيما تقول، أنا شخصيا ألعب لعبة الكر والفر مع هؤلاء فأنا لا أقول انني ملحدة ولكني في نفس الوقت لا أقول أنني مسلمة، أتكلم في كتاباتي عن الاسلام كثقافة وصدقنيلقد أفلحت لعبتي مع العديد والآن هم خارج الدين بعدما كانوا في قلبه 
هي لعبة خطيرة ولكن أعتقد أن على واحد منا أن يلعبها مع هؤلاء، لا يمكن أن نتركهم يستحوزوا على عقول الناس، والناس لن تسمعك إذا قلت لها أنك ملحد يعني كافر يعني في النار 
لازم نبدأ معاهم بربنا قال وبعدين نقشر لحاء الشجرة قشرة قشرة حتى نعريها تماما 
هذا ما أعتقده وما أفعله 
أنا مؤمنة أن نقد الدين والقضاء عليه لا يأتي إلا من داخله وهذا ما أحاول فعله، خاصة وأن تابوه الدين عملاق جدا في مجتمعاتنا العربية وغباء أن نقول للغول أنت غول في عينه إنما يجب أن نفقأها له بعد أن تسلق في هدوء على أكتافه 
هذا ما أومن به من خلال متابعتي لمصير كل الذين كتبوا من خارج الاسلام في هذا الوطن 
تحياتي 
أمنية
---------

وأقول أنا أبو حب الله :

إن الذين كفروا : ينفقون أموالهم : ليصدوا عن سبيل الله .. فسينفقونها .. ثم تكون عليهم حسرة !!!.. ثم يُغلبون !!!!!!.. والذين كفروا : إلى جهنم يحشرون " !!!..

وسوف أجعل من هذا الموضوع محلا ًبإذن الله تعالى لتعرية الخطط والتمثيليات القذرة لهؤلاء :
والتي ضحكوا ويضحكون بها على شباب مسلم لم يعودوا يعلمون من الإسلام للأسف :
إلا اسمه - بفضل التعليم والإعلام الفاسدين - ولا حول ولا قوة إلا بالله ..

فمَن أراد أن يضع معي هنا أخبار فضائح أمثال هؤلاء الشياطين ليتعظ منها المُغررين بهم :
فليفعل وجزاه الله خيرا ً....

ولي عودة قريبة إن شاء الله ....
ولكن قبلها أترككم مع هذا الفيديو كمثال لبعض تمثيليات النصارى على الفضائيات :
لأنهم والملحدين واحد : في استباحة الغش واستغفال الناس والمشاهدين في كل مكان ...!!

 
واما الحقيقة المفجعة .. فإليكم هذا الفيديو :




والله المستعان ...
------------------------

3...
ماذا كشف اختراق موقع الحمير العرب منذ عامين تقريبا ً؟؟؟ ...
أقصد الملحدين العرب .......... ؟؟..

http://www.eltwhed.com/vb/showthread...C7%C6%E3%ED%E4

والخبر انتشر ساعتها في الكثير من المنتديات الدعوية بالتفاصيل والصور ...
http://www.ebnmaryam.com/vb/t179219-2.html

وانظروا كيف تم إخفاء الصور بشكل احترافي من الإنترنت الآن ؟؟؟.. - جرب وابحث -


لؤي كريم حداد ..
زهير حداد ..

< بل حتى تم حذف روابط فضائح ساويرس وقناته من صفحة المصريون الرسمية ! >
---------------------

4...
العضو الملحد سابقا ًكميل أو صلحد : وفضحه لحقيقة منتديات الجرب والجذام الإلحادية :

وفي الرابط التالي يحكي لماذا انشق عنهم : ويسرد فضائحهم وحقيقة أعضائهم الكبار :
------------------------------------

5...
وفي فضيحة من العيار الثقيل : قام منتدى حراس العقيدة بفضح تمويل قناة الحياة التنصيرية :
ووضع الحقائق والوثائق والصور والأسماء عمن يقف وراءها وأنشطتها وقوادها :
وانتهاء بالمحرك الرئيسي من :
إسرااااائيل !!..

فياليت قومي يعلمون !.. وشبابنا يتعظ ويعرف حقيقة مَن يتلاعبون به !..